kommentbøvl

Eins og þið kannskið sjáið er ég búin að fjarlægja commentin mín - af einhverjum ástæðum virkar nýja Blogger útgáfan ekki alveg nógu vel með Haloscan commentunum mínum, það var ástæðan fyrir að íslenskan datt alltaf út annað hvort í comments eða pósti - reyni aftur síðar

snydt igen!

Svo ég litaði á mér hárið - rautt hélt ég - og endaði með rauðbrúnt - aftur! urgh! Ekki það að þetta er fallegur litur, en ég ætlaði jú að reyna að breyta til! Enn einu sinni hef ég tapað fyrir lubbanum á mér sem er sjálfráður sem aldrei fyrr :o(
Kannski ég prófi strípur næst...

Annars bara búið að vera brjálað að gera - fékk nýjan leiðbeinanda, og nú er bara harkan sex næstu 4 vikur! Fór og skoðaði herbergi niður í miðbæ (rétt hjá Bruuns Gallerí - gæti orðið dýrt spaug!)og er virkilega að vona að ég fái það en veit ekkert enn. Kerstine vinkona kom í heimsókn um helgina og þar sem veðrið var viðbjóðslegt var helginni eitt í vídeógláp og ofát, enda líkist ég hvítum flóðhesti með vindverki núna.
En var afskaplega notalegt að slappa aðeins af - held það hafi verið komin tími til.
En ætli ég verði ekki að fara að skríða í ból - vinna á morgun.
See yah!

Að lita eða ekki lita...

Ein örstutt skoðanakönnun : ljóst, rautt eða brúnt?
Er að fara að lita á mér hárið á næstunni (til að fela gráu hárin skiljiði) og get bara ekki ákveðið mig! Er búin að vera með gamla góða rauðbrúna litinn í næstum ár núna og það er freistandi að breyta til, en veit bara ekki hvað ég á að velja!
Svo nú spyr ég ykkur sem hafið séð mig í öllum útgáfum: ljóst (ekki alveg ljóst - svona hungangslitur), rautt (kopar) eða halda mig við þennan gamla rauðbrúna?

(grunar einhvern að ég sé að nota þetta sem afsökun fyrir að hugsa ekki um alvarlegri mál ;o)?)

Og PS. er sultuvandamálið leyst?

hormónaflæði

If I´ve got to suffer...
Datt inn á þessa síðu - átti í örgustu vandræðum með að kjósa og skilaði auðu á endanum...



Svona fer þegar það er ekkert í sjónvarpinu!

og andlitslyfting

og svo varð ég náttúrulega að pilla við útlitið líka...
Á eftir að sjá hvernig þetta lítur út á 14 tommu fartölvuskjá - en virkar ok á borðtölvu... Þið megið gjarnan láta mig vita ef það fer allt í sultu á skjánum hjá ykkur - svo ég geti lagað það! Hvað segið þið? Betra eða verra en það var? Dauðlangar að gjörsamlega umbylta blogginu - en það myndi þýða svo djöfullega vinnu í HTML kóðanum (ef ég ætla að fá það sem ég vil)að ég bara legg ekki í það fyrr en eftir ritgerð allavega.

nýr blogger

hmm... flutti bloggið mitt yfir á Beta-útgáfuna og af einhverjum ástæðum virðist Beta litla ekki ráða við íslensku...
Ekki sérlega kát yfir því verð ég að segja!

miðritgerðarkreppa

Ég held ég sé búin að finna upp alveg nýtt "heilkenni" - miðritgerðar-kreppa!
Það lýsir sér þannig að þegar maður er c.a. hálfnuð með ritgerð finnur maður grein sem fær mann til að finnast að það væri góð hugmynd að gjörbreyta fókus í ritgerðinni... Sem myndi náttúrulega þýða að það þyrfti að skrifa slatta uppá nýtt - sem ég hef varla tíma til... Á hinn bóginn myndi leiðbeinandinn minn örugglega fíla nýju línuna betur - finnast það passa betur við fagið... Og ég gæti kannski sloppið við að þurfa að gera "greiningu" - sem mig hefur drullu kviðið fyrir. Fuck! Ég hef ekki sálarorku í þetta - af hverju get ég ekki bara skrifað þessa andskotans ritgerð?! Mig langar heim í rúmið mitt og breiða sængina upp yfir haus og vera þar bara - haldiði ekki að ritgerðin hverfi þá bara úr lífi mínu? Maybe if I ignore it, it will go away...

Fáguð!

Stjörnuspáin mín í mogganum í morgun:

"Fágun bogmannsins getur verið ógnvekjandi. Þú ættir að gera þér grein fyrir því að tiltekin manneskja sem lítur upp til þín, veit oftast ekki hvað þú ert að tala um."

Datt næstum út úr stólnum af hlátri - er ekki aaaaaaaaaalveg að sjá mig í þessu!
Og ég sem hélt að það væri bara lélega danskan mín sem væri að valda samskiptaörðugleikum - en það er sko bara af því ég er svo fáguð!


En elska stjörnuspá moggans - get næstum alltaf stólað á að spáin er svo langt úti að ég get ekki annað en hlegið, og það hefur bjargað mörgum gráum morgni.

Smá skoðanakönnun

Mig langar bara að spyrja ykkur - notið þið skítugar borðtuskur til að "þerra af" skurðarbretti þegar þið eruð búin að nota þau? Er það bara ég sem fæ klígju við tilhugsunina um að nota svo sama bretti til að útbúa mat á? Stóð aðal sóðann á vistinni að þessu í morgun og gat ekki orða bundist - hann gat ekki alveg skilið vandamálið og vildi meina að þetta gerðu sko aðrir líka! Sem getur vel verið - og hér eftir mun ég ekki nota þessi bretti án þess að skrúbba þau allavega rækilega fyrst. Persónulega er ég bara stolt af að hafa ekki tekið skurðarbrettið af honum og stungið því upp í görnina á honum (þvers), því tilhugsunin um að hafa notað þessi bretti í trausti þess að fólk VASKAÐI ÞAU UPP var næstum nóg til að ég skilaði morgunmatnum í vaskinn. Ég veit ekki alveg hvernig ég ætla að meika þessa mánuði sem eftir eru í sambúðinni...

Chris

Varð bara að deila þessu vídeói með Blíðunni - njóttu elskan!

Detti mér nú allar dauðar...

Og enn einu sinni tekur tilveran mín krappa hægri beygju án þess að gefa stefnuljós.

Yfirmaðurinn minn lét mig setjast niður í morgun og gerði mér tilboð sem ég held ég geti ekki hafnað - full vinna á bókasafnsfræðingslaunum í 2 mánuði. Valið sem ég stend fyrir núna er nokkurn vegin á þessa leið: a)koma heim 1. des., atvinnulaus (og án bótarétts!), peningalaus og húsnæðislaus. b)athuga hvort ég get fengið herbergið framlengt 2-3 mánuði til og þéna c.a. 500.000-550.000 (fyrir skatt). Held að bankinn minn yrði allavega glaður ef ég gæti borgað eitthvað af vöxtunum sem ég skulda...

Kannski ég sleppi við að selja úr mér nýrað! Bara kannski - ég er í svooo djúpum skít fjárhagslega að ég held ég verði að selja úr mér sálina bara... hlýtur að vera einhvers virði þótt krumpuð sé!

Oh Rudolph!

Bara varð að deila þessu með ykkur - enn eitt heimskulegt próf á vefnum (mér leiðist - hvað annað get ég sagt?)

Hér getið þið tékkað á því hvaða DAUÐI merkismaður (eða kona) er sálufélaginn ykkar - minn var Rudolph Valentino! (ætla ekki að segja ykkur hverjir aðrir mér voru boðnir - brrr...)

þið getið prófað sjálf(ar) hér.

Rakstur

Hef svarið þess dýran eið að hætta að taka mig til ÁÐUR en ég fæ kaffi á morgnana eftir að hafa kíkt í spegil áðan og uppgötvað að mér hefur tekist að skipta hárinu á mér nákvæmlega þar sem ég er mest gráhærð! Og svona áður en þið skammið mig fyrir að velta mér upp úr smáatriðum vil ég bara segja mér til varnar að ég má ekki við svona löguðu í dag - ég er á túr og lít nógu illa út fyrir þótt gráu hárin blasi ekki við!
Hrmpf! Og svo er gullfallegur (en kaldur) októbermorgun og mig langar ekki að sitja inni og rotna við tölvuna...
Ok - þá er sjálfsvorkunin komin út úr sýsteminu í bili.
Annars ekkert nýtt að frétta, bara sama gamla rútínan - því miður. Hér er loksins virkilega farið að vera haust og mér finnst alveg grátlegt að geta ekki verið meira úti að njóta þess - alltaf fílað haustið (það er veturinn sem ég þoli ekki). Ég hef reyndar aldrei náð að venjast því að hér eru tré varasöm á haustin - minnsta vindkviða getur valdið því að maður fær ávexti og hnetur í hausinn (og það er aaaafar óþægilegt - svo ekki sé minnst á niðurdrepandi að heyra tómahljóðið í hausnum). En ég fíla litina á laufinu og síðustu haustblómin hér eru í fullum skrúða... (djúpt andvarp) - ég er kannski bara klikkuð en þetta er sá árstími sem mér finnst rómantískastur. Held ég reyni að gera meðvitað átak í að gefa mér meiri tíma til að fara í gönguferðir - held að bæði líkami og sál hefðu gott af því þessa dagana.

En skyldan kallar - hér er einn lítill hlekkur i kveðjuskyni: Af hverju karlmenn ættu að raka sig.

persónuleikapróf...

Lagðist í naflaskoðun um helgina en fann ekkert nema ló...
Og hvað gerir maður þegar eigin innsæi klikkar? Leitar á náðir Internetsins og nýtir sér hin sérhönnuðu sálgreiningartæki sem þar finnast. Hér eru svo niðurstöðurnar:

You are

What Rejected Crayon Are You?

Þetta er akkúrat liturinn á peysunni sem ég myndi kaupa ef ég ætti krónu - spooky...

og

You're an Expert Kisser

You're a kissing pro, but it's all about quality and not quantityYou've perfected your kissing technique and can knock anyone's socks offAnd you're adaptable, giving each partner what they craveWhen it comes down to it, your kisses are truly unforgettable

What Kind of Kisser Are You?

Nákvæmlega það sem mig grunaði... Er það ekki týpískt fyrir óréttlæti heimsins að heimsklassakyssari eins og ég fæ ekki færi á að njóta mín? Ég er greinilega að sóa hæfileikum mínum! Ætti að vera úti að kenna öðrum listina...

En akkúrat núna neyðist ég víst til að horfast í augu við grákaldan veruleikann og halda áfram við lærdóminn - see yah!

P.S. Ætti líklega að vara við að það þurfti svolítið pillerí við HTML kóðan til að niðurstöðurnar birtust rétt á síðunni - bara svona ef þið ætlið að setja á ykkar eigin síður!