jú það lifir enn! Eða svona nokkurn veginn - brjáluð vinnutörn síðustu 2 vikurnar hefur tekið sinn toll af gamla skarinu. Er grá og guggin og að drepast úr vöðvabólgu og fyrirtíðarspennu. Alveg æðislegt að líta í spegilinn þessa dagana. Annars er lítið að frétta, enda hef ég ekki haft tíma og tækifæri til að gera neitt af mér.
Enn að bíða eftir vorinu sem kannski er að koma - hitastigið hefur allavega lafað yfir frostmarki undanfarið og krákurnar eru á fullu við hreiðurgerð. Það lítur samt ekkert út fyrir að maður setji vetrarfötin inn í skáp á næstunni - kannski sem betur fer þar sem ég á næstum engin sumarföt sem passa
Ætla að ráða bót á því þegar ég fæ laun erfiðis míns í apríl...
Athugilir fastagestir taka kannski eftir því að í rammanum til hægri hafa verið gerðar smávægilegar breytingar. ER AÐ LESA hefur vikið fyrir MAÐUR VIKUNNAR - bið Blíðuna afsökunar á að stela hugmyndinni hennar, en staðreyndin er sú að ég les ekkert annað en skólabækur þessar vikurnar og ég vil heldur hafa myndir af flottum strákum en sömu bókaforsíðuna standandi mánuðum saman...
Svo ætla ég að bæta inn nýjum dálki: Í KÝRHAUSNUM - innihaldið verður bara að tala sýnu máli. Stefni sumsé eindregið að því að uppfæra síðuna minnst einu sinni í viku hér eftir - maður getur allavega reynt!
