Konur eru líka menn

Hef fengið að heyra að það sé yfirborðskennt af mér að velja mann vikunnar út af flottum skrokki og hef bara eitt að segja við því: konur eru líka Menn...

Seint og um síðir

Hmm... það gengur ekkert alltof vel að blogga vikulega - biðst afsökunar á því.
Svo hér kemur örstutt yfirlit yfir markverða atburði í apríl:

1. Fékk tilfelli einn föstudaginn þegar ég áttaði mig á að líklega yrði þetta 5. föstudagskvöldið í röð sem ég myndi sitja heima og horfa á Amerikan Idol - til að bjarga geðheilsunni var farið á föstudagsbar tölvunördanna í staðinn. Mæli eindregið með þessu ef sjálfsmatið er lágt - þegar maður er svo til eini kvenmaðurinn á staðnum fær maður óskipta athygli... Ástandið var reyndar orðið örlítið scary í enda kvölds - en fékk athygliverða kennslu í "the mating ritual of the nerds"

2. Fór í dagsferð til Álaborgar með Söruh rétt fyrir páska. Fórum í dýragarðinn - alveg magnað. Er núna yfir mig ástfangin: vandamálið er bara að draumaprinsinn er 200 kíló og önnur tegund... Týpískt mín heppni! Eftir dýragarðinn kíktum við aðeins á Jomfru Anne Gade sem er bara pöbbar og að mér skillst er stúdentaafsláttur á þeim öllum. Stefni hörð að því að prófa þá kenningu einhverntíman, en þar sem við þurftum að fara heim um kvöldið náðum við ekki að prófa pöbbarölt ala Álaborg.

3. Kom í óvænta örferð á klakan - eins og flest ykkar vita. Náði rétt að sjá smettið á nokkrum vinum og vandamönnum - ekki nóg samt! En það var ósköp notalegt... Verð samt að viðurkenna að það var ósköp gott að komast til baka í hitastig með 2 tölum og blómstrandi páskaliljum útum allt. Sorrý bara verð að monta mig!

Og nú er það bara lærdómur og leiðindi - sem ég ætti reyndar að fara að hella mér í. Ég er búin að marg sannreyna að lærdómurinn sér ekki um sig sjálfur - því miður!
Lofa að gera mitt besta til að það líði ekki svona langt þar til ég skrifa næst - ætla staðfastlega að reyna að eiga mér líf til að skrifa um!!!
En hafið það gott þangað til elskurnar - knús úr baunaveldi.